Անդրե Աղասուն այդպես էլ չհաջողվեց հաղթահարել քառորդ եզրափակիչի արգելքը: Հիշեցնենք, որ Ֆեդեռերի հետ հանդիպումը հետաձգվել էր անձրեւի պատճառով: Երեք խաղափուլից հետո Ֆեդեռերը մրցամարտը շահում էր 2-1 հաշվով: Չորրորդ խաղափուլում Աղասին հավասարեցրեց հաշիվը, սակայն 5-րդՙ վճռորոշ խաղափուլը շահեց Ֆեդեռերը, որն էլ մտավ կիսաեզրափակիչ: Այս փուլում շվեյցարացի թենիսիստը կմրցի անգլիացի Թիմ Հենմանի հետ: Վերջինս քառորդ եզրափակիչում պարտության էր մատնել Հրբատուն:
Կիսաեզրափակիչ մյուս զույգը կկազմեն Հյուիթն ու Յուհանսոնը: Հյուիթը հաղթեց Հաասին (6-2, 6-2, 6-2): Յուհանսոնն ուժեղ գտնվեց ամերիկացի Ռոդիկից (6-4, 6-4, 3-6, 2-6, 6-4):
Կանանց զուգախաղում Սվետլանա Կուզնեցովան ու Ելենա Լիխովցեւան մտան եզրափակիչՙ հաղթելով Բարբարա Շետ-Պատի Շնիդեր ավստրիական զույգին (6-4, 6-2):