Այս տարի լրացավ Մուսա լեռան հերոսամարտի 89-ամյակը: Այս առիթով սեպտեմբերի 19-ին ավանդույթի համաձայն հերոսամարտի հիշատակը հավերժացնող հուշակոթողի մոտ տեղի ունեցավ միջոցառում, որը կազմակերպել էր Մուսալեռան հայրենակցական միությունըՙ ի դեմս Կամո Տեր-Պետրոսյանի: Միջոցառմանը ներկա էին եւ իրենց ողջույնի ու շնորհավորանքի խոսքերով հանդես եկան Դավիթ արքեպիսկոպոս Սահակյանը, գրող, հրապարակախոս Գրիգոր Ջանիկյանը, հալեպահայ ասմունքող Սալբի Տարակճյանը, Հայաստանի հայրենակցական միությունների խորհրդի կողմից Ռոբերտ Միրզոյանը եւ այլք: Այնուհետեւ դհոլ-զուռնայի նվագակցությամբ ներկաները պարեցին հայկական քոչարի, որից հետո օրհնվեց 89 կաթսաներում եփված հարիսա-մատաղը եւ բաժանվեց հավաքվածներին:
ԱՐՈՒՍՅԱԿ ՊԱԼՅԱՆ