Այսօր «Կիլիկիան» Աթենքի Տիրիա նավահանգստից կուղեւորվի դեպի Վենետիկ: Ինչպես «Ազգ»-ին հայտնեց «Այաս» ծովային հետազոտությունների ակումբի ափային կոորդինացիոն շտաբի անդամ Ալեքսանդր Մարգարյանը` մեկնարկից երեք-չորս օր հետո նավը կհասնի Դուբրովնիկ, որը նավի հերթական կանգառը կլինի:
Նավի ամենամեծ առագաստը մաշվել է: Երեկ ՀՀ պաշտպանության նախարար Սերժ Սարգսյանը այասականներին է հանձնել նավի նոր առագաստ:
Ի դեպ, ակումբի անդամ Կարեն Դանիելյանը, որ մինչեւ Հռոդոս նավի անձնակազմում էր, այժմ Հայաստան է վերադարձել: Մոտ օրերս կներկայացնենք նրա հետ մեր զրույցը:
Թ. Մ.