Երեկ կայացավ Հայաստանի ազգային օլիմպիական կոմիտեի նիստ, որում տեղի ունեցան կազմակերպության նոր նախագահի ընտրություններ: ՀԱՕԿ-ի նախագահ Իշխան Զաքարյանը, որ հանրության կողմից խիստ քննադատության էր ենթարկվել Աթենքի օլիմպիական խաղերում հայ օլիմպիականների ձախողման համար, իր թեկնածությունը չէր առաջադրել: Նախագահի միակ թեկնածուն հայտնի գործարար, «Մուլտի գրուպ» կոնցեռնի նախագահ, Հայաստանի ազգային օլիմպիական կոմիտեի փոխնախագահ Գագիկ Ծառուկյանն էր, որին էլ նիստի մասնակիցներն ընտրեցին ՀԱՕԿ-ի նախագահի պաշտոնում: Նշենք, որ Գագիկ Ծառուկյանը վերջին տարիներին հովանավորում է հայկական սպորտը, ֆինանսավորում առաջատար մարզիկներին: Հուսանք, որ նա իրեն կդրսեւորի նաեւ ՀԱՕԿ-ի նախագահի պատասխանատու պաշտոնում եւ մեր օլիմպիականները լավագույն ձեւով կնախապատրաստվեն ու հանդես կգան 2008 թ. Պեկինում կայանալիք ամառային օլիմպիական խաղերին: