«Մուլտի գրուպ» կոնցեռնի հիմնադիր նախագահ Գագիկ Ծառուկյանը երեկ լրագրողների հետ հարցազրույցում հայտարարեց, որ «Հայկական ժամանակ» օրաթերթի գլխավոր խմբագիր Նիկոլ Փաշինյանիՙ իր հասցեին արած հայտարարություններն անհիմն են եւ ինքն այդ թերթի հետ որեւէ առնչություն չունի: Ծառուկյանն ակնարկեց, թե ինքն ու Նիկոլ Փաշինյանը տարբեր քաշային կարգերում են եւ իր հասցեին հնչած մեղադրանքները որակելու համար հետաքրքրական համեմատություն կատարեց: Դա նույնն է, որ մեր բռնցքամարտիկներն, օրինակ, մենամարտի ելնեն աշխարհի նախկին չեմպիոն, գերծանր քաշային Մայք Թայսոնի հետ: Գագիկ Ծառուկյանի խոսքով, դա ընդամենն ուշադրություն գրավելու փորձ է:
Մ. Հ.