Արդեն իսկ գիտնականներն ու բնապահպանները բազմաթիվ ահազանգեր են հնչեցրել, որ Դալմայի այգիների կառուցապատման ներկայացված հատվածը թե՛ գյուղատնտեսական հողատեսքերի, թե՛ ազգագրական-մշակութային ու բնապահպանական տեսանկյուններից այս այգիների սերուցքն է, եւ դրանց կորուստն այլեւս անդառնալի կլինի: Ի՞նչ են տալու 2005 թվականին նախատեսվող լայնածավալ հասարակական քննարկումները, եթե այսօր արդեն այդտեղ կառուցապատումներ են ընթանում:
«Ազգի» այս հարցադրմանը Գ. Մուշեղյանի բացատրությունից պարզ դարձավ, որ այդ կազմակերպությունների հետ քննարկումներ արդեն իսկ կազմակերպվել են: Դատելով ըստ ամենայնի, փոխհամաձայնության չեն հանգել, քանի որ անկախ այդ քննարկումներից, ըստ հատակագծի, Դալմայի այգիներում 256 հա-ի վրա լինելու է քաղաքային այգի: «Այն ժամանակ, երբ տարբեր պատճառներով քաղաքը չի կարողացել տնօրինել այդ այգիների ճակատագիրը, դրանք տրվել են քաղաքացիներին օգտագործման համար: Բայց հիմա դրանք վերածվելու են համաքաղաքային նշանակության ընդհանուր օգտագործման կանաչ տարածքների, ինչպես նախատեսվել է մինչ այժմ եղած բոլոր հատակագծերում», ասաց «Երեւաննախագիծ» ինստիտուտի տնօրենը:
Կ. Դ.