Թուրքիայի փոխվարչապետ եւ արտգործնախարար Աբդուլահ Գյուլն, ըստ «Անատոլու» կիսապաշտոնական գործակալության, անընդունելի է համարել Սլովակիայի խորհրդարանում Հայոց ցեղասպանությունը ճանաչելու մասին բանաձեւը: «Դա անընդունելի է, մենք կձեռնարկենք անհրաժեշտ բոլոր քայլերը», ասել է Գյուլը: Հիշեցնենք, որ Սլովակիայի խորհրդարանը մի քանի օր առաջ 1915 թ. Օսմանյան կայսրությունում 1,5 մլն հայերի կոտորածը որակել է ցեղասպանություն տերմինով: Գյուլն ասել է, որ նման բանաձեւի ընդունման պատճառը խորհրդարանական ընդդիմությունն է, մինչդեռ Սլովակիայի կառավարությունն, ըստ Գյուլի, չի պաշտպանում այդ բանաձեւը: