«Բժիշկներ առանց սահմանների» (ԲԱՍ) կազմակերպությունը նոր բժշկական ծրագիր է բացում Երեւանում դեղորայքակայունություն ունեցող տուբերկուլյոզով հիվանդներին խնամելու եւ բուժելու նպատակով: ԲԱՍ կազմակերպությունն առանձնահատուկ ուշադրություն է տածում տուբերկուլյոզով հիվանդների հանդեպ եւ մոտ 30 ծրագիր է վարում աշխարհումՙ տարեկան 20.000 տուբերկուլյոզով հիվանդների բուժում ստանձնելով: 19997-2002 թթ. կազմակերպությունը հակատուբերկուլյոզային ծրագիր է իրականացրել Լեռնային Ղարաբաղում, ներկայումս նույնատիպ ծրագիր է իրականացնում Աբխազիայում:
Կազմակերպությունը կարծում է, որ հակատուբերկուլյոզային երկու ամենահզոր դեղամիջոցներն անարդյունավետ են այսպես կոչված բազմադեղորայքակայունություն ունեցող տուբերկուլյոզով հիվանդների բուժման համար: Բազմադեղորայքակայուն տուբերկուլյոզը (TBMDR) կարող է արագ տարածվելՙ դառնալով աշխարհում 250.000-400.000 առաջնային դեպքերի պատճառ:
Թեպետ Հայաստանում դեռեւս չի կատարվել իրազեկ համաճարակային ուսումնասիրություն տուբերկուլյոզի դեղորայքակայուն ձեւերի առմամբ, ենթադրվում է, որ հայտնաբերված առաջնային դեպքերի 15 տոկոսը պետք է ունենա բազմադեղորայքակայունություն: Դրա համար պահանջվում են հատուկ դեղամիջոցներ, իսկ ներկայումս նման հիվանդները Հայաստանում համարժեք բուժում չեն ստանում:
Բժշկական ծրագրի մանրամասները կներկայացնենք ԲԱՍ-ի մամուլի ասուլիսից հետո:
Գ.Վ.