«Հայկական ժամանակ» օրաթերթի գլխավոր խմբագիր Նիկոլ Փաշինյանի «Նիվա» մակնիշի ավտոմեքենայի այրման պատճառը, համաձայն դատահրդեհատեխնիկական համալիր փորձաքննության եզրակացության, բաց կրակի աղբյուրն է: ՀՀ գլխավոր դատախազության տեղեկացմամբ, դեկտեմբերի 2-ին հիշյալ փաստով քրեական գործ է հարուցվել ՀՀ քրեական օրենսգրքի 185 հոդվածի 2-րդ մասի 1-ին եւ 2-րդ կետերի հատկանիշներով (գույքի դիտավորյալ ոչնչացում կամ վնասում հրկիզման միջոցով, որը խոշոր չափերի վնաս է պատճառել): Նախաքննությունն իրականացնում է Երեւան քաղաքի ոստիկանության քննչական բաժինը: