Իրանի Ռամսար քաղաքում 1971 թվականին ստորագրված կոնվենցիան միակն է, որ ուղղված է կոնկրետ էկոհամակարգերի` տվյալ դեպքում խոնավ, հատկապես ջրային թռչունների բնակավայր հանդիսացող տարածքների պահպանմանը: Հայաստանն այդ կոնվենցիային միացել է 1993 թվականին, պահպանության ու վերականգնման ցանկում ներկայացնելով Սեւանա լիճն ու Արփի լիճը` հարակից ճահիճներով: Անդամակցության ընթացքում կոնվենցիայի հիմնադրամը ֆինանսավորել է հայկական 4 ծրագրեր:
Մշակվել է նոր նախագիծ Ջավախքի հատուկ պահպանվող տարածքների մասին, որը 2,2 մլն դոլարի ֆինանսավորում կստանա KfW բանկից:
Դեկտեմբերի 4-8-ը Երեւանում անցկացվում է եվրոպական տարածաշրջանային հանդիպում` արտասահմանցի 70 բնապահպանների մասնակցությամբ: Այցելություններ են կազմակերպվում Սեւան ազգային պարկ, Այրիվան, Սեւանի ՀԷԿ:
Կ. Դ.