Ստամբուլի դատական իշխանությունները երկու նոր դատական հայց են ներկայացրել «Բելգի» հրատարակչատան տնօրեն Ռագիպ Զարաքոլուի դեմՙ մեղադրելով նրան հետեւյալ երկու գրքերը հրատարակելու մեջ:
Առաջինը Ջորջ Ջերջյանի գիրքն է «Պատմությունը կձերբազատի մեզ բոլորիս» վերնագրով, որտեղ ակնարկ կա, որ հանրապետության հիմնադրման օրերին Աթաթուրքի շուրջ մարդիկ կային, որոնք պատասխանատու էին 1915-ի հայկական տեղահանությունների համար:
Երկրորդը լրագրող Զուլքուֆ Կիսանաքի «Կորած գյուղեր» գիրքն է, որը պատմում է 14 քրդական գյուղերի մասին, որտեղից 1990-95 թթ. բռնի էվակուացվել են տեղի բնակիչները: Գյուղացիների պնդումները, որ թուրքական պետությունն է կանգնած այդ բոլորի հետեւում, վիրավորանք են համարվել թուրքական հանրապետության, իսկ առաջին գրքի առթիվ, նաեւ Աթաթուրքի հիշատակի համար: Հրատարակչին հետապնդում են թուրքական քրեական օրենսգրքի 159 հոդվածի համաձայն, հաղորդում է Միհրան Թումաջանը «Արմինյն նյուս նեթուորքից»: