Կազմակերպված հանցավորության եւ դրա դրսեւորումների, մասնավորապես թրաֆիկինգի եւ անօրինական միգրացիայի դեմ կանխարգելիչ գործողություն ծավալող թե՛ հայաստանյան եւ թե՛ տարածաշրջանի հասարակական կազմակերպություններն օրեր առաջ մասնակցեցին հայաստանյան ցանցի հիմնադիր հավաքին ու ստորագրեցին հուշագիր: Մոտ մեկ տարի առաջ սկսված համագործակցությունից պարզ դարձավ, որ պայքարը դեռ չի հասել այն մակարդակին, որն ակնկալվում էր, նշեց ՄԱԿ-ի զարգացման ծրագրի հայաստանյան գրասենյակի «Թրաֆիկինգի դեմ պայքարի» ծրագրի ղեկավար Ռաֆայել Գյուլնազարյանը: Հունվարի 28-ին ՄԱԿ-ի գրասենյակում լրատվամիջոցների ներկայացուցիչները, անհատ լրագրողներ համախմբվեցին ու միանալով հայաստանյան ցանցին ստորագրեցին հուշագիր, որով «Թրաֆիկինգի դեմ պայքարի» ծրագրով համագործակցության աշխատանքային նոր փուլ սկսվեց:
Մ. Մ.