Ալեքսան Կիրակոսյանի մեկնաբանմամբ, վերջերս ԱՄՆ-ը նեղացել է Թուրքիայից, եւ այդ իրողությունը խորքային պատճառներ ունի: Իրաքում ղեկավարությունը գտնվում էր սուննիների ձեռքում, իսկ բնակչության մեծամասնությունը շիա է: Թուրքերը դժգոհ են, որովհետեւ սուննիների իշխանությունը տապալվել է, եւ իշխանության են գալիս շիաները:
Նրանք հայտարարեցին, թե Ամերիկան Իրաքում ցեղասպանություն է իրականացրել: Դա ամերիկացիներին զայրացրել է, եւ նրանք սպառնացել են` սուս մնացեք, թե չէ կբացենք Վիլսոնի, Մորգենթաուի արխիվները: «Այդ արխիվներն այսօր ամբողջությամբ բացված չեն, իսկ այնտեղ կա Հայոց ցեղասպանության իրական պատկերը` մասնավորապես Վերսալին ու Սեւրին վերաբերող բոլոր փաստաթղթերով», պարզաբանում է Ալեքսան Կիրակոսյանը:
Կ. Դ.