Միացյալ Նահանգներում բնակվող հայ ուսանող Սիմոն Մաղաքյանը պատրաստվում է մասնակցել աշխարհի ամենամեծՙ «Ֆայ Թետա Կապպա» պատվո ընկերակցության համընդհանուր նախագահական ընտրություններին: Կառույցը հիմնադրվել է 1918-ին եւ այժմ նմանատիպ կազմակերպություններից ամենամեծն է: Ընկերակցությունն ունի մոտ 1,5 մլն ուսանող-անդամ: Մաղաքյանն այժմ նախագահում է ընկերակցության Կոլորադո նահանգի մասնաճյուղը: Մաղաքյանը հայտնի է ուսման տարիներին հայ ժողովրդի մշակույթի ու պատմության վերաբերյալ հրապարակած մի շարք հայագիտական հոդվածներով: Նա պարբերաբար իր մտահոգությունն է հայտնել Թուրքիայում եւ Ադրբեջանում հայոց մշակութային կոթողների ոչնչացման վերաբերյալ:
Թ. Մ.