Հայաստանը տնտեսական ու քաղաքական խնդիրներից զատ միջազգային համագործակցության բազում, առայժմ քիչ օգտագործված ներուժ ունի էկոլոգիական առումով եւս: Դա վերաբերում է անդրսահմանային հատվածներում ջրերի, անտառների կառավարմանը, դրանք գիշատիչ օգտագործումից, աղտոտումներից պահպանելուն: Նախատեսվում է, որ այս տարի Գլոբալ էկոլոգիական ֆոնդը կֆինանսավորի տարածաշրջանային արժեք ունեցող բնապահպանական մի ծրագիր եւս: Արդեն համաձայնություն է ձեռք բերվել, որ Գերմանիայի համագործակցության եւ զարգացման նախարարությունը համապատասխան ֆինանսավորում կհատկացնի Ջավախքի տարածաշրջանում հատուկ պահպանվող տարածքներ սահմանելու եւ դրանք պահպանելու համար: Ծրագիրն ընդգրկում է հարակից Վրաստանն ու Թուրքիան, որոնք էկոլոգիապես կապված են միմյանց եւ Հայաստանի հետ: Թուրքիայի համաձայնության դեպքում ծրագիրը համապարփակ բնույթ կունենա:
Կ. Դ.