Հայաստանի ազգային հավաքականը պահպանել է իր դիրքը ՖԻՖԱ-ի վարկանիշային ցուցակում: Ինչպես եւ նախորդ ամսին, մարտի դրությամբ էլ մեր ընտրանին 397 միավորով 120-րդ տեղում է: Ընդհանրապես այս ժամանակահատվածում հավաքականների մակարդակով հանդիպումներ քիչ են անցկացվում, ուստի վարկանիշային աղյուսակում փոփոխությունները չնչին են: Նախորդ ցուցակի համեմատ ամենամեծ առաջընթացն ունեցել է Կուբայի հավաքականը, որը 11 հորիզոնականով վեր է բարձրացելՙ զբաղեցնելով 60-րդ տեղը: 10 տեղով առաջընթաց է ունեցել Հոնկոնգի ընտրանին (124-րդ տեղ): 8 հորիզոնականով վեր են բարձրացել Գվատեմալայի եւ Հոնդուրասի հավաքականները: Իսկ ահա Բելգիայի հավաքականը 7 հորիզոնականով նահանջել է:
ՀՀ հավաքականի առաջիկա մրցակից Անդորրայի ընտրանին պահպանել է իր դիրքերըՙ 345 միավորով զբաղեցնելով 139-րդ հորիզոնականը: Դեռեւս մի քանի ամիս առաջ Անդորրայի հավաքականը 148-րդն էր: Այնպես որ, առաջընթացը նկատելի է: Մեր ֆուտբոլիստների մյուս մրցակիցներից 2 հորիզոնականով վեր են բարձրացել ֆինները (36-րդ տեղ): Չեխերը պահպանել են դիրքերը (4-րդ տեղ), իսկ հոլանդացիները (7-րդ տեղ), ռումինացիները (29-րդ տեղ) եւ մակեդոնացիները (94-րդ տեղ) մեկ հորիզոնականով նահանջել են:
Անփոփոխ է մնացել լավագույն տասնյակը, որում ընդգրկված հավաքականների եւ ԱՊՀ երկրների ընտրանիների ցուցանիշներն այսպիսին են.
| 1. Բրազիլիա | 836 |
| 2. Ֆրանսիա | 782 |
| 3. Արգենտինա | 777 |
| 4. Չեխիա | 774 |
| 5. Իսպանիա | 759 |
| 6. Մեքսիկա | 752 |
| 7. Հոլանդիա | 750 |
| 8. Անգլիա | 746 |
| 9. Պորտուգալիա | 740 |
| 10. Իտալիա | 736 |
| 33. Ռուսաստան | 644 |
| 46. Ուկրաինա | 595 |
| 46. Ուզբեկստան | 595 |
| 66. Բելառուս | 560 |
| 67. Լատվիա | 559 |
| 82. Էստոնիա | 519 |
| 99. Թուրքմենստան | 475 |
| 100. Վրաստան | 474 |
| 102. Լիտվա | 467 |
| 114. Մոլդովա | 433 |
| 116. Ադրբեջան | 428 |
| 120. Հայաստան | 397 |
| 137. Տաջիկստան | 350 |
| 149. Ղազախստան | 308 |
| 152. Ղրղզստան | 294 |