Ինչպես տեղեկացնում է «Արմինյն միրոր սփեքթեյթրը», ԱՄՆ փոխնախագահ Դիկ Չեյնին ապրիլի 22-ով թվագրված նամակ է ուղարկել ցեղասպանության ամենատարեց վերապրած Մարտիզա Օհանեսյանին` նամակում ճանաչելով ցեղասպանությունը:
Չեյնին նշել է, որ հաճույքով միանում է տիկին Օհանեսյանի 100-ամյակի կապակցությամբ շնորհավորանքներին, ընդգծելով, որ Մարտիզա Օհանեսյանը Հայոց ցեղասպանության ամենատարեց վերապրածն է:
«Ամեն գարուն մենք հիշում ենք այդ սարսափելի իրադարձությունը եւ հարգում ենք զոհերի հիշատակը», նամակում նշել է Միացյալ Նահանգների փոխնախագահը: