Ռեգբիի Հայաստանի հավաքականը հաղթանակով մեկնարկեց Եվրոպայի առաջնության ընտրական փուլում: Մեր ռեգբիստներն ընդգրկված են ընտրական 3-րդ գոտու 3-րդ խմբում, որտեղ մրցակիցներն են Նորվեգիայի, Ֆինլանդիայի, Ադրբեջանի, Բոսնիայի եւ Իսրայելի հավաքականները: Ընտրական մրցաշարի առաջին խաղում մեր ընտրանին Թել Ավիվում 47-15 հաշվով պարտության մատնեց Իսրայելի ռեգբիստներին: Պատասխան հանդիպումը կկայանա հունիսի 11-ին Աբովյանի քաղաքային մարզադաշտում: Եզրափակիչի ուղեգիր կնվաճի ընտրական մրցաշարի հաղթողը: