Մայիսի 25-ին տեղի են ունենալու Լիբանանի խորհրդարանական ընտրությունները, որոնք երկրի ներքին ճգնաժամի ներկա պայմաններում կարեւորվում են առավել քան երբեւիցե: Լիբանանի համայնքային կառույցի թելադրանքով լիբանանահայությունը նույնպես մասնակցելու է խորհրդարանական ընտրություններինՙ որոշելու համար իրեն հասանելի 5 կամ 6 պատգամավորներին: Ռամկավար ազատական կուսակցության կենտրոնական վարչությունից մեր ստացած հաղորդագրությունը տեղեկացնում է, որ այս անգամ էլ կուսակցության թեկնածուն Հակոբ Գասարճյանն է, որը, նախորդ ընտրություններում մաս կազմելով այժմ հանգուցյալ Ռաֆիկ Հարիրիի բլոկին, ընտրվել էր խորհրդարանի անդամ, դրանով իսկ, հնչակյան եւ անկուսակցական ներկայացուցիչների հետ, վերջ տվել ՀՅԴաշնակցության մի քանի տասնամյակ տեւած տիրապետությանը: Հաղորդագրությունը դրական է գնահատում ՌԱԿ կենտրոնական վարչության անդամ Հ. Գասարճյանի քառամյա գործունեությունը Լիբանանի խորհրդարանում: