Մայիսի 31-ի առավոտյան Գարեգին Բ Ամենայն հայոց կաթողիկոսը հովվապետական այցով մեկնեց ԱՄՆ Արեւմտյան հայոց թեմ, ուր Նորին սրբությունը հայրապետական օրհնություն եւ մխիթարություն կբաշխի ամերիկաբնակ հավատավոր եւ նվիրյալ հայոց հոտին:
Հովվապետական այցի ընթացքում Ամենայն հայոց հայրապետը կայցելի Լոս Անջելեսի, Գլենդեյլի, Փասադենայի, Ֆրեզնոյի, Սաքրամենտոյի, Արիզոնայի, Սան Ֆրանցիսկոյի հայ համայնքներ ու ծուխեր, պատարագներ կմատուցի հայկական եկեղեցիներում, հանդիպումներ կունենա քույր եկեղեցիների ներկայացուցիչների, ինչպես նաեւ ԱՄՆ պաշտոնատար տարբեր անձանց հետ: Գարեգին Բ Ամենայն հայոց կաթողիկոսը կնախագահի նաեւ առաջնորդանիստ եկեղեցու հիմնարկեքի արարողությունը:
Հայրապետին ուղեկցում են Ներսես արք. Պոզապալյանը, Գեղարդ աբեղա Վահունին իբրեւ գավազանակիր, Կտրիճ քահանա Դեւեջյանը եւ Հայաստանի կոմպոզիտորների միության նախագահ Ռոբերտ Ամիրխանյանը: Լոս Անջելեսում Նորին սրբության շքախմբի մաս կկազմեն նաեւ Մխիթար Հերացու անվանՙ Երեւանի պետական բժշկական համալսարանի ռեկտոր Վիլեն Հակոբյանը եւ «Տիգրան Մեծ» հրատարակչատան տնօրեն Վրեժ Մարկոսյանը:
Սա Վեհափառ հայրապետի երկրորդ հովվապետական այցն է նշյալ թեմ, առաջին այցը տեղի էր ունեցել 2001 թ. մայիսին: