Համահայկական խաղերի համաշխարհային կոմիտեի մամուլի ծառայության տեղեկատվության համաձայն, երեկ կայացել է հերթական նիստը, որում քննարկվել են բասկետբոլի համահայկական մրցաշարի անցկացման կազմակերպչական մի շարք հարցեր: Մրցաշարի հանդիսավոր բացումը տեղի կունենա օգոստոսի 21-ին, ժամը 18-ին մայրաքաղաքի «Դինամո» մարզասրահում: Մրցաշարին մասնակցելու հայտ են ներկայացրել 28 քաղաքների թիմեր: Մրցաշարին կմասնակցեն կանանց 9 եւ տղամարդկանց 19 թիմեր: Բացի «Դինամո» մարզասրահից, հանդիպումներն անցկացվելու են նաեւ ջերմոէլեկտրակայանի մարզասրահում եւ ՖԻՄԱ-ի մանեժում:
ԱՇՈՏ ՀԱՅՐԱՊԵՏՅԱՆ