Այս օրերին ֆուտզալի կանանց Հայաստանի հավաքականը հատուկ հրավերով Իրանի Իսլամական Հանրապետությունում մասնակցում է Իսլամի կանանց համաշխարհային օլիմպիադային, որն անցկացվում է ՄԱԿ-ի եւ ԻԻՀ նախագահի տիկնոջ բարձր հովանավորությամբ:
Հայաստանի հավաքականն առաջին հանդիպումն անցկացրել է Թուրքմենիայի կանանց հավաքականի հետ եւ առավելության հասել 27-0 հաշվով: Երկրորդ խաղում մեր ընտրանին հաղթել է Անգլիայի մահմեդական կանանց հավաքականին (38-3): Երրորդ հանդիպումը տեղի է ունեցել Իրաքի հավաքականի հետ, որը կրկին ավարտվել է Հայաստանի հաղթանակով` 14-0 եւ Հայաստանի հավաքականը դուրս է եկել եզրափակիչ փուլ:
Ավարտական խաղում մեր թիմը մրցելու է Իրանի հավաքականի հետ եւ նույնիսկ ոչ-ոքի արդյունքի դեպքում կնվաճի օլիմպիադայի չեմպիոնի տիտղոսը:
Նշենք, որ հավաքականի կազմում ընդգրկված են «Քոլեջ» ակումբի, Հայաստանի պատանեկան եւ ազգային հավաքականի 14-20 տարեկան անդամներ:
ԱՇՈՏ ՀԱՅՐԱՊԵՏՅԱՆ