Աղասի Արշակյանի դիրքորոշումն ամենեւին չի փոխվել սահմանադրության փոփոխությունների առնչությամբ: Հանրաքվեում նրա ասելիքը «ոչ» է լինելու: Արշակյանի «ոչ»-ը, նրա իսկ հավաստմամբ, հարգում, բայց չեն ընդունում «այո»-ի քարոզարշավին լծված «Նիգ-Ապարան» հայրենակցական միությունում, որին անդամակցում է նա: Հայրենակցական միությունում կատարելիք գործն, Արշակյանի հավաստմամբ, քաղաքական չէ եւ ունի այլ ուղղվածություն: Այդ գործերից մեկը իրականացվելու է նոյեմբերի 22-ին: Բացվելու է բանաստեղծ Սլավիկ Չիլոյանի հուշաքարը:
Լրագրողների խնդրանքով Դավիթ Շահնազարյան-Արտաշես Գեղամյան փոխադարձ գնահատականներին անդրադառնալովՙ Աղասի Արշակյանն ընդգծեց, որ Գեղամյանի մամուլում տված պատասխանը ջախջախիչ է, իսկ Շահնազարյանի գնահատականը Գեղամյանի քաղաքական որ ճամբարում գտնվելու առնչությամբ լկտի սուտ:
Ն. Պ.