Անցած եւ նախանցած գիշերներին Երեւանում նվազագույն ջերմաստիճանը մոտ էր 0 աստիճանին: Օդերեւութաբանական դիտարկումներով, սովորաբար, եթե ջերմաստիճանը պլյուս 4 աստիճանից ցածր է, արդեն կարելի է սպասել ձյան, սակայն դրանք համեստ տեղումներ կլինեն, քանի որ ձնածածկույթ առաջանում է միայն 0-ից ցածր ջերմաստիճանի դեպքում:
Եվ ինչպես մանրամասնեց բնապահպանության նախարարի խորհրդական Գենադի Կոջոյանը` «Շաբաթվա առաջիկա օրերին ջերմաստիճանը մի երկու աստիճանով կբարձրանա: Գիշերները կլինի 0-ից պլյուս 2 աստիճան, ցերեկը` 10-13 աստիճան: Սակայն սրանք լուրջ փոփոխություններ չեն, այլ ընդամենը տաք հոսանքների քմահաճույք»: