Ֆրանսիական լրատվական գործակալությանը հղում անելով` Փարիզի «Յառաջ» օրաթերթը տեղեկացնում է, որ Իրաքում 5 ամիս առաջ պատանդ վերցված կիպրահայ Կարո Ճիյերճյանը դեկտեմբերի 31-ին ազատ է արձակվել: Կիպրոսի արտգործնախարարությունը հայտնել է, թե նա շուտով կվերադառնա Կիպրոս: Լիբանանի եւ Կիպրոսի քաղաքացիություն ունեցող Ճիյերճյանը առեւանգվել էր Բաղդադի Մանսուր շրջանից, որտեղ զբաղվում էր իրաքյան եւ ամերիկյան զորքերին սնունդ հայթայթելու գործով: Քաղաքացուն ազատ արձակելու համար առեւանգիչները փրկագին էին պահանջել նրա գործարանատիրոջից, բայց հստակ գումարի չափը չի նշվում: