«Նոր օր» շաբաթաթերթի տեղեկացմամբ Փասադենայի Սբ Գրիգոր Լուսավորիչ եկեղեցում` Հովսեփյան վարժարանի եւ եկեղեցու նախաձեռնությամբ նշվել է գրերի գյուտի ստեղծման 1600-ամյակը: Բացման խոսքում ելույթ է ունեցել միջոցառման գլխավոր կազմակերպիչ, ուսուցչուհի Լիզա Մանոյանը, որից հետո աշակերտները հնչեցրել են «Մեր հայրենիք» քայլերգը, երգել են հայրենասիրական երգեր եւ ասմունքել: Օրվա բանախոս, եկեղեցու գլխավոր հովիվ տեր Զավեն քահանա Արզումանյանը խոսել է հայոց այբուբենի ստեղծման կարեւորության եւ քաղաքական հիշյալ ժամանակաշրջանում նրա ունեցած նշանակության մասին:
ՀԲԸՄ-ի երիտասարդների ձեռնարկը
Փարիզի հայկական բարեգործական ընդհանուր միության (ՀԲԸՄ) երիտասարդները «Յառաջ» օրաթերթի 80-ամյակի առթիվ միջոցառում էին կազմակերպել միության «Ալեք Մանուկյան» կենտրոնում: Ձեռնարկին մասնակցել են մեծ թվով երիտասարդներ, իսկ հյուրերից Արմեն Մութաֆյանը «Յառաջը» որակելով «ծանոթ եւ անծանոթ մի կոթող»` խոսել է նրա կարեւորության մասին:
Գ. Գ.