«Ֆիգարոյի» շաբաթական հավելվածում աշխարհահռչակ շանսոնյե Շառլ Ազնավուրը նկարագրել է իր գաղթական ընտանիքի ոդիսականը եւ հայտնել իր ուրախությունը` 2006 թ-ը Ֆրանսիայում Հայաստանի տարի լինելու կապակցությամբ: «Յառաջ»-ը նշում է, որ այնուհետեւ Ազնավուրը հիշել է 1915 թ. ցեղասպանությունը, 1,5 մլն հայերի տեղահանությունը, անդրադարձել է իր հոր` երաժիշտ եւ երգիչ Միշա Ազնավուրի ապրուստը հոգալու միջոցներին, նշել դերասանուհի եւ լրագրող մոր ջանքերի մասին: Նկարագրելով իր կյանքը` երգիչը խոսել է Ֆրանսիայի հանդեպ իր ունեցած սիրո մասին. «Ֆրանսիացի եմ եւ 200 տոկոսով փարիզեցի»: Իրենց կյանքի նկարագրումը Ազնավուրն ավարտել է. «ցանկանում էինք ֆրանսիացի լինել եւ դարձանք» խոսքերով:
Պատրաստեց Գ. Ա.