Մոսկվայում մեկնարկել է ֆուտբոլի «Համագործակցության գավաթի» 14-րդ խաղարկությունը: Սովորաբար այդ մրցաշարին մասնակցում են ԱՊՀ եւ Բալթյան երկրների չեմպիոնները, ինչպես նաեւ հաշվարկից դուրս հանդես եկող ՌԴ պատանեկան հավաքականը: Սակայն լինում են բացառություններ, որ տվյալ երկրի չեմպիոնին փոխարինում է փոխչեմպիոնը: Նշենք, որ Լիտվան ներկայացնում է փոխչեմպիոն «Կաունասը», իսկ ՌԴ չեմպիոն ԲԿՄԱ-ն եւ Ուկրաինայի ուժեղագույն ակումբ Դոնեցկի «Շախտյորը» մոսկովյան մրցաշարում հանդես են գալիս ոչ հիմնական կազմերով:
Սկզբնական փուլում մասնակից 16 թիմերը բաժանվել են չորս խմբի: ՀՀ չեմպիոն «Փյունիկը» «D» խմբի իր անդրանիկ խաղում ուժերը չափեց «Կաունասի» հետ: Մեր թիմի համար խաղն անհաջող դասավորվեց: Արդեն 10-րդ րոպեին Պեխլիչը գրավեց «Փյունիկի» դարպասը: Հաշիվը հավասարեցնելու մեր ֆուտբոլիստների բոլոր ջանքերն ապարդյուն անցան: Իսկ ահա լիտվացիները խաղավերջում եւս 2 անգամ հասան հաջողության: 77-րդ րոպեին Պիլիբայտիսը կրկնապատկեց հաշիվը, իսկ երկու րոպե անց Կշանավիչուսը 3-րդ գոլը խփեց: Այսպիսով, մեկնարկային խաղում «Փյունիկը» 0-3 հաշվով զիջեց «Կաունասին»: Այդ խաղում ՀՀ չեմպիոնը հանդես եկավ հետեւյալ կազմով. Կասպարով, Տիգրանյան, Թադեւոսյան (Գրիգորյան, 75), Հովսեփյան, Մելքոնյան (Աղասյան, 75), Ալեքսանյան, Մկրտչյան, Արթուր Ոսկանյան (Նազարյան, 67), Սահակյան (Փաչաջյան, 46), Արզումանյան, Ղարաբաղցյան (Ղազարյան, 66):
Պայքարը շարունակելու համար «Փյունիկին» անհրաժեշտ էր երկրորդ խաղում անպայման հաղթանակ տոնել Բելառուսի չեմպիոն Սոլիգորսկի «Շախտյորի» նկատմամբ: Բարեբախտաբար, մեր ֆուտբոլիստներին հաջողվեց անհրաժեշտ հետեւություններ անել մեկնարկում կրած անհաջողությունից եւ հաղթանակով ավարտել խաղը: Առաջին խաղակեսի վերջին րոպեին Աղվան Մկրտչյանը 11մ հարվածով բացեց հաշիվը, իսկ խաղավարտից երեք րոպե առաջ Լեւոն Փաչաջյանն ամրապնդեց հաղթանակը: Այդ խաղում «Փյունիկի» կազմն այսպիսին էր. Կասպարով, Թադեւոսյան, Հովսեփյան, Արզումանյան, Տիգրանյան, Մելքոնյան (Ղազարյան, 75), Ալեքսանյան, Մկրտչյան, Փաչաջյան, Նազարյան (Արթուր Ոսկանյան, 82), Ղարաբաղցյան:
Նշենք, որ երկու տուրից հետո «D» խմբում բավական հետաքրքրական իրավիճակ է ստեղծվել: Բոլոր չորս թիմերն էլ վաստակել են 3-ական միավոր: Այնպես որ քառորդ եզրափակիչի երկու ուղեգրերի տերերին կորոշեն այսօր կայանալիք հանդիպումները: «Փյունիկը» մրցելու է ՌԴ պատանեկան հավաքականի հետ, իսկ «Կաունասն» ու «Շախտյորը»` միմյանց հետ: Հաղթանակի դեպքում «Փյունիկն» անկախ մյուս զույգի մրցախաղի արդյունքից, կշարունակի պայքարը: Ոչ-ոքի արդյունքի դեպքում շատ բան պայմանավորված կլինի «Կաունաս»-«Շախտյոր» հանդիպման ելքից: Այնպես որ այսօրվա մրցախաղերը վճռորոշ են լինելու:
«A» խմբում քառորդ եզրափակիչի մասնակիցներն արդեն հայտնի են: Դրանք են ԲԿՄԱ-ն եւ Տաշքենդի «Պախտակորը», որոնք երկուական հաղթանակ են տոնել: Պայքարը շարունակելու հիանալի հնարավորություն ունի «B» խմբի առաջատար Բաքվի «Նեւթչին», որը եւս երկու հաղթանակ է տոնել: «C» խմբում էլ 6 միավոր ունի ՄՏՏՈՒ-ն:
Ներկայացնում ենք մոսկովյան մրցաշարի հանդիպումների համառոտ վիճակագրությունը:
«A» խումբ
«Դինամո» Թբ.-ԲԿՄԱ` 0-1(0-0)
Կիրիլենկո (74):
«Պախտակոր»-ՏՖՄԿ` 3-0(1-0)
Թաջիեւ (31), Ջեպարով (68), Սույունով (71):
ԲԿՄԱ-ՏՖՄԿ` 1-0 (1-0)
Կիրիլենկո (36):
«Դինամո» Թբ.-«Պախտակոր»` 1-2 (0-1)
Բոբոխիձե (76)- Պոնոմարյով (7), Սոլիեւ (61)
Մրցաշարային աղյուսակ
| Խ | Հ | Ո | Պ | Գ | Մ | |
| 1. Պախտակոր | 2 | 2 | 0 | 0 | 5-1 | 6 |
| 2. ԲԿՄԱ | 2 | 2 | 0 | 0 | 2-0 | 6 |
| 3. Դինամո Թբ. | 2 | 0 | 0 | 2 | 1-3 | 0 |
| 4. ՏՖՄԿ | 2 | 0 | 0 | 2 | 0-4 | 0 |
«B» խումբ
«Մետալուրգ»-«Ակտոբե»` 3-0 (2-0)
Աստրաուսկաս (6), Կառլսոն (37), Գրեբիս (88):
«Նեւթչի»-«Վախշ»` 3-0 (2-0)
Սուբաշիչ (6), Գաջիեւ (26), Միշուրա (73):
«Մետալուրգ»-«Նեւթչի»` 1-2 (0-2)
Իվանով (64` 11մ)-Ադամիա (25,31):
«Ակտոբե»-«Վախշ»` 1-0 (0-0)
Գոլովսկոյ (57` 11մ):
Մրցաշարային աղյուսակ
| Խ | Հ | Ո | Պ | Գ | Մ | |
| 1. Նեւթչի | 2 | 2 | 0 | 0 | 5-1 | 6 |
| 2. Մետալուրգ | 2 | 1 | 0 | 1 | 4-2 | 3 |
| 3. Ակտոբե | 2 | 1 | 0 | 1 | 1-3 | 3 |
| 4. Վախշ | 2 | 0 | 0 | 2 | 0-4 | 0 |
«C» խումբ
ՄՏՏՈՒ-«Դորդոյ-Դինամո»` 2-0 (0-0)
Կարադանով (62, 81)
«Շերիֆ»-«Շախտյոր» Դ.` 3-2 (2-1)
Եպուբյանու (20), Ֆլորեսկու (26), Կորոտեցկի (53, ինքնագոլ)- Ֆոմին (6), Գավրիշ (74):
«Շախտյոր» Դ.-«Դորդոյ-Դինամո»` 1-0 (0-0)
Սելեզնյով (80):
«Շերիֆ»-ՄՏՏՈՒ` 0-1 (0-0)
Չոլիեւ (64):
Մրցաշարային աղյուսակ
| Խ | Հ | Ո | Պ | Գ | Մ | |
| 1. ՄՏՏՈՒ | 2 | 2 | 0 | 0 | 3-0 | 6 |
| 2. Շախտյոր Դ. | 2 | 1 | 0 | 1 | 3-3 | 3 |
| 3. Շերիֆ | 2 | 1 | 0 | 1 | 3-3 | 3 |
| 4. Դորդոյ-Դին. | 2 | 0 | 0 | 2 | 0-3 | 0 |
«D» խումբ
«Փյունիկ»-«Կաունաս»` 0-3 (0-1)
Պեխլիչ (10), Պիլիբայտիս (77), Կշանավիչուս (79):
ՌԴ պատ. հավ.-«Շախտյոր» Ս.` 0-3 (0-2)
Կլիմենկո (26, 40), Բիչյոնոկ (87):
«Շախտյոր» Ս.-«Փյունիկ»` 0-2 (0-1)
Մկրտչյան (45` 11մ), Փաչաջյան (87):
«Կաունաս»-ՌԴ պատ. հավ.` 0-1 (0-1)
Սամսոնով (35):
Մրցաշարային աղյուսակ
| Խ | Հ | Ո | Պ | Գ | Մ | |
| 1. Կաունաս | 2 | 1 | 0 | 1 | 3-1 | 3 |
| 2. Շախտյոր Ս. | 2 | 1 | 0 | 1 | 3-2 | 3 |
| 3. Փյունիկ | 2 | 1 | 0 | 1 | 2-3 | 3 |
| 4. ՌԴ պ. հավ. | 2 | 1 | 0 | 1 | 1-3 | 3 |
ԱՇՈՏ ՀԱՅՐԱՊԵՏՅԱՆ