Վրացական կողմը ոչինչ չի ձեռնարկում թռչնագրիպի վիրուսի տարածումը կանխելու համար Բավրա-Նինոծմինդա հայ-վրացական սահմանակետում: Այս մասին տեղեկացնում է «Ռեգնում» գործակալությունը, որի թղթակիցն օրերս հատել է սահմանը հենց այդ սահմանակետում: Ըստ հաղորդագրության, հայկական կողմում բոլոր մուտք գործող եւ դուրս եկող ավտոմեքենաներն ախտահանող միջոցառումների են ենթարկվում, մարդկանց բաժանում են հատուկ բուկլետներՙ վարակի վտանգավորության եւ կանխարգելիչ անհրաժեշտ միջոցների տեղեկատվությամբ: Այս մասին վկայում են նաեւ հայկական հեռուստատեսության բազմակի անդրադարձները, հատկապես Բավրա-Նինոծմինդա սահմանակետում տիրող իրավիճակին:
Ա. Հ.