Հունվարի 17-ին Գարեգին Բ Ամենայն հայոց կաթողիկոսն ընդունեց երկօրյա պաշտոնական այցով Հայաստանում գտնվող Վրաստանի արտաքին գործերի նախարար Գելա Բեժուաշվիլուն:
Հանդիպման ընթացքում Նորին Սրբությունը անդրադարձավ Հայ եկեղեցու Վիրահայոց թեմի շուրջը ստեղծված վիճակին` վստահություն հայտնելով, որ բոլոր դժվարությունները կհարթվեն եղբայրական սիրով, փոխհասկացողությամբ եւ այն գիտակցությամբ, որ երկու ժողովուրդների բարեկամությունը դարերի համար է: Վրաստանի արտգործնախարարը տեղեկացրեց, որ այժմ վրաց իշխանությունները փորձում են ինչպես Հայոց թեմի, այնպես էլ երկրի կրոնական դաշտում առկա խնդիրները լուծել:
Ս. Մ.