Ինչպես արդեն տեղեկացրել ենք, օրերս կայացած ֆեդերացիայի գործկոմի նիստում քննարկվել էր «Փյունիկ» ակումբի ղեկավարության վարքագիծը, որի որոշմամբ թիմը հրաժարվել էր «Համագործակցության գավաթի» խաղարկությունում «Նեւթչիի» հետ հանդիպումից: Ստեղծված իրավիճակից իր դժգոհությունը յուրօրինակ ձեւով էր արտահայտել հեռուստամեկնաբան Սուրեն Բաղդասարյանը, իր խմբագրած «Ֆուտբոլ պլյուս» թերթում հայտարարելով, որ ՀՖՖ նախագահ Ռ. Հայրապետյանը վիրավորական արտահայտություններ է ունեցել իր հասցեին եւ փորձել է բռունցքներով հարձակվել իր վրա, որից հետո ինքը վերջնականապես հասկացել է, որ այլեւս հնարավոր չէ աշխատել նման մթնոլորտում, եւ հետեւաբար վայր է դնում գործկոմի անդամի լիազորությունները:
ԱՇՈՏ ՀԱՅՐԱՊԵՏՅԱՆ