Հայաստանի Հանրապետության նախագահ Ռոբերտ Քոչարյանի փետրվարի 7-ի հրամանագրով Գեւորգ Գեւորգյանը նշանակվել է ՀՀ մշակույթի եւ երիտասարդության հարցերի նախարար:
Գեւորգ Գեւորգյանը ծնվել է 1948 թ. սեպտեմբերի 15-ին: Սովորել եւ ավարտել է Երեւանի պոլիտեխնիկական ինստիտուտը, ստացել ինժեներ-մեխանիկի որակավորում: Մասնագիտացել է նաեւ ժուռնալիստիկայում: 1983 թ.-ին մասնակցել է կինեմատոգրաֆիայի ստեղծագործական եւ ղեկավար աշխատողների որակավորման բարձրագույն կուրսերին ( Մոսկվա): Աշխատել է հեռուստատեսային ֆիլմերի «Երեւան» ստուդիայում: 1982-86 թթ. աշխատել է «Հայֆիլմ» կինոստուդիայում որպես արտադրության պետ, փոխտնօրեն, իսկ 1992-2006 թթ.ՙ տնօրեն: Մշակութային մի շարք պետական միջոցառումների կազմակերպմանը ցուցաբերած գործուն մասնակցության համար Գեւորգ Գեւորգյանն արժանացել է ՀՀ նախագահի եւ վարչապետի շնորհակալագրերին: