Թուրքական կառավարությունն Իսրայելին է դիմել աշխարհում Թուրքիայի վարկի բարելավմանը նպաստելու խնդրանքով, գրում է իսրայելական առաջավոր թերթերից «Եդիոթ ահրոնոթը»:
Թուրքական արտգործնախարարության հրավերով Իսրայելի արտգործնախարարության տեղեկատվական բաժնի գլխավոր տնօրենի տեղակալն Անկարայում մասնակցել է «Հասարակական ժողովրդավարություն» թեմայի շուրջն անցկացված համագումարին, որին հրավիրված են եղել նաեւ մասնագետներ Հոլանդիայից, Գերմանիայից, Կանադայից եւ Մ. Նահանգներից:
Եվրոմիությանն անդամակցելու նախօրեին Թուրքիան խիստ անհանգստացած է բարելավելու աշխարհում իր բացասական վարկը, որն առավել դիպուկ ներկայացված է «Կեսգիշերային ճեպընթացը» ֆիլմում: Իսրայելի փորձից դասեր քաղելով, Թուրքիան ցանկանում է աշխարհին ներկայանալ որպես արեւմտյան չափանիշներով արդիական եւ լուսավորյալ երկիր:
Հ. Ծ.