«ԱԶԳ» ՕՐԱԹԵՐԹ

ԱՊՐԻԼԻ ՄԵԿԻՑ ԿԳՈՐԾԵՆ ՓՈՍՏԱՅԻՆ ՆՈՐ ԴԱՍԻՉՆԵՐ

ԵՐԵՎԱՆ, 2 ՄԱՐՏ, ԱՐՄԵՆՊՐԵՍ: Ապրիլի 1-ից ՀՀ-ում գործածության մեջ կդրվեն փոստային նոր դասիչները (ինդեքսներ): Երեւանի փոստային բաժանմունքի նոր դասիչները նախկին 375000 վեցանիշ թվի փոխարեն կդառնան քառանիշ 00** գրառմամբ, որտեղ **-ը նախկին դասիչի վերջին երկու թվերն են: Օրինակ` Երեւանի 26-րդ փոստային բաժանմունքի նախկին 375026-ի փոխարեն կիրառման մեջ է դրվում 0026 դասիչը, կամ Երեւանի 5-րդ փոստային բաժանմունքի 375005-ի փոխարեն` 0005 դասիչը:

Ինչպես ասաց «Հայփոստ» ՓԲԸ մամուլի պատասխանատու Աստղիկ Մարտիրոսյանը, խորհրդային տարիներից ժառանգած փոստային դասիչները ՀՀ քառանիշ դասիչներով փոխարինելը պարզեցման եւ հիշելի դարձնելու նպատակ ունի:

Այս նույն սկզբունքով կփոխվեն նաեւ 10 մարզային փոստային մասնաճյուղերի դասիչները.

Արագածոտնի մարզ` 02**-05**

Արարատի մարզ` 06**-08**

Արմավիրի մարզ` 09**-11**

Գեղարքունիքի մարզ` 12**-16**

Լոռու մարզ` 17**-21**

Կոտայքի մարզ` 22**-25**

Շիրակի մարզ` 26**-31**

Սյունիքի մարզ` 32**-35**

Վայոց Ձորի մարզ` 36**-38**

Տավուշի մարզ` 39**-42**: