Երեկ Բուդապեշտում շարունակվել է հայ սպա Գուրգեն Մարգարյանի սպանության գործի դատաքննությունը: Վերջին խոսքով հանդես է եկել ադրբեջանցի սպա, մարդասպան Ռամիլ Սաֆարովը: Չնայած Սաֆարովի փաստաբանների հիմնական հանգամանքիՙ անմեղսունակության վարկածին, հունգարացի դատախազը նշել է մեղադրանքի ապացուցվածությունըՙ ընդգծելով, որ Սաֆարովը հանցագործությունը կատարելու պահին եղել է մեղսունակ: Դատախազը Սաֆարովի համար որպես պատիժ պահանջել է, որոշ տեղեկություններով, 30 տարվա ազատազրկում, այլ աղբյուրների համաձայնՙ ցմահ բանտարկություն:
Հիշեցնենք, որ այս գործով դատավճիռը կհրապարակվի ապրիլի 13-ին: