Բրիտանական «Ֆայնենշլ թայմս» թերթի հաղորդմամբ, Հռոմի պապ Բենեդիկտոս XVI-ը Հռոմում երեկ աջակցություն է հայտնել Եվրոպայի պահպանողական կուսակցությունների միացյալ նախաձեռնությանը, ինչը կարող է ստվեր գցել Եվրոմիության շեմին կանգնած Թուրքիայի վրա:
Պապը կոչ է արել «Եվրոմիության սրտում վերականգնել քրիստոնեական արժեքները», ինչը լուրջ խնդիրներ կառաջացնի մահմեդական երկիր Թուրքիայի համար: Ավելի քան 500 քաղաքական գործիչների հետ հանդիպման ժամանակ պապը հորդորել է հավատարիմ մնալ քրիստոնեությանը, նախազգուշացնելով Եվրոպայում տարածված մշակույթի վտանգի մասին, որն անհատի կրոնական համոզմունքների դրսեւորումը դասում է անձնականի ու սուբյեկտիվի շարքը:
Նա նաեւ քաղաքական գործիչներից պահանջել է քրիստոնեական ժառանգությունը պահպանելու նվիրվածություն ցուցաբերել: