Ռուսաստանում ապրանքների որակի վերահսկողության մարմինը երեկ հաղորդագրություն է տարածել, որտեղ նշվում է, որ Ռուսաստանի գլխավոր սանիտարական բժիշկ Գենադի Օնիշչենկոն առաջարկում է երկրի մաքսային ծառայության ղեկավարությանն արգելել Մոլդովայից եւ Վրաստանից ոչ միայն գինու, այլեւ բոլոր տեսակի ալկոհոլային խմիչքների մուտքը: Ըստ Օնիշչենկոյի, ստուգումներով պարզվել է, որ Մոլդովայից եւ Վրաստանից ներմուծված մեծ քանակությամբ ալկոհոլային խմիչքներ չեն համապատասխանել սանիտարական պահանջներին: Իրենց հերթին վրացական եւ մոլդովական գինի արտադրող ընկերությունները, ըստ վրացական լրատվամիջոցների, պատրաստվում են ռուսաստանյան դատարան հայց ներկայացնել ի պաշտպանություն իրենց արտադրած գինիների: