Մ. Նահանգների նախագահ Ջորջ Բուշի հետ Ադրբեջանի նախագահ Իլհամ Ալիեւի 45 րոպե տեւած երեկվա հանդիպման ժամանակ շոշափվել են տարածաշրջանային անվտանգության, միջազգային ահաբեկչության դեմ պայքարի, հայ-ադրբեջանական հակամարտության, ինչպես նաեւ Իրանին առնչվող հարցեր:
«Մենք դրական ենք գնահատում Ադրբեջանի մասնակցությունը հակաահաբեկչության կոալիցիային», հայտարարել է նախագահ Բուշը, միաժամանակ նշելով, որ Իրանի խնդիրները քննարկելիս իրենք միաձայն համաձայնել են դրանք լուծել դիվանագիտական ճանապարհով: Տարածաշրջանի Էներգետիկ անվտանգության մասին խոսելիս Բուշը շեշտել է Ադրբեջանի կարեւոր դերակատարումը այդ հարցում: