Շախմատի աշխարհի չեմպիոն Վեսելին Թոփալովն արժանացել է 2005 թ. շախմատային «Օսկարին»: «64-Շախմատնոյե օբոզրենիե» ամսագրի անցկացրած հարցմանը մասնակցել են 68 երկրների 361 ներկայացուցիչներ, որոնցից 293-ն իրենց ձայնը տվել են Թոփալովին: Վերջինս վաստակել է 4376 միավոր: Երկրորդ ցուցանիշն ունի Վիշվանաթան Անանդը (3445 միավոր): Իսկ ահա Լեւոն Արոնյանը, որ հաղթող էր ճանաչվել աշխարհի գավաթի խաղարկությունում եւ Լինարեսի գերմրցաշարում, եզրափակել է լավագույն եռյակը (2721 միավոր): Սա, ինչ խոսք, հայ գրոսմայստերի շախմատային տաղանդի գնահատման եւս մեկ վառ ապացույց է:
Շախմատային «Օսկարը» հանձնվում է 1968 թ.: Մրցանակի առաջին դափնեկիրը եղել է Բորիս Սպասկին: 1995 թ. հարցումն անցկացնում է «64-Շախմատնոյե օբոզրենիե» ամսագիրը: Առավել հաճախՙ 11 անգամ «Օսկարը» նվաճել է Գարի Կասպարովը, 9 անգամ դափնեկիր է դարձել Անատոլի Կարպովը:
ԱՇՈՏ ՀԱՅՐԱՊԵՏՅԱՆ