ՀՀ կառավարությանն առընթեր Քաղաքացիական ավիացիայի գլխավոր վարչությունը խորապես սգում է մայիսի 3-ի Երեւան-Սոչի 967 չվերթը կատարող «Արմավիա» ավիաընկերության Ա-320 օդանավի աղետի զոհերի ողբերգական մահը եւ իր զորակցությունն ու սատարումը հայտնում նրանց ընտանիքներին ու հարազատներին:
Հատկանշական է աղետի զոհ դարձած Վյաչեսլավի Յարալովի ունեցած ներդրումը հայկական ավիացիայի ոլորտում, որտեղ նա զբաղեցրել է բարձր պաշտոններ եւ իր գործունեությամբ նպաստել հայկական ավիացիայի զարգացմանը:
Իրենց աշխատանքային ու մասնագիտական բարձր պատրաստվածությամբ աչքի են ընկել նաեւ օդանավի հրամանատար Գրիգոր Գրիգորյանը, երկրորդ օդաչու Արման Դավթյանը եւ անձնակազմի զոհված մյուս բոլոր անդամները:
ՀՀ Քաղաքացիական ավիացիայի գլխավոր վարչության պետ Արտյոմ Մովսիսյանը շարունակում է ցավակցական հեռագրեր ստանալ աշխարհի բազմաթիվ միջազգային ավիացիոն կազմակերպություններից ու ավիաընկերություններից: