«Ես չեմ կարծում, որ ինչ-որ արտառոց բան է տեղի ունեցել», ԱԺ նախագահ Արթուր Բաղդասարյանի հրաժարականի առնչությամբ հարցին ի պատասխան երեկ ասաց պաշտպանության նախարար Սերժ Սարգսյանը եւ խորհուրդ տվեց տեղի ունեցածում էլ բաներ չփնտրել: Ինչ վերաբերում է վերջին շրջանում ՕԵԿ-ից դուրս եկած գործիչներին, ապա նախարարը նշում է, որ նրանց վրա ճնշումներ չեն գործադրվել: Պրն Սարգսյանը վստահ է, որ մարդիկ կուսակցություն են մտնում կոնկրետ նպատակներով, կոնկրետ ուժի աջակցելու համար, իսկ եթե այդ ուժը խնդիրներ ունի իշխանությունների հետ, ապա նրանց ոչինչ չի մնում անել, քան կուսակցությունից դուրս գալ: Պաշտպանության նախարարը խորհուրդ տվեց հարցն ուղղել անձամբ Արթուր Բաղդասարյանին: Իսկ ընդհանրապես նախարարը կարծում է, որ իրենց միջեւ հակամարտություն չկա, եւ նրանք դուրս չեն եկել պայքարի:
Գ. Գ.