Գառնիում գտնվող «Գալակտիկա» ՓԲԸ-ի տարածքում Գառնիի համայնքապետ Աշոտ Վարդանյանը եւ «Գալակտիկա» ՓԲԸ-ի տնօրեն Գագիկ Դոլիեւը խոզաբուծարան են կառուցում: Այս տարածքը հանրությանը հայտնի է Տիեզերական աստղագիտության կենտրոն կամ ակադեմիկոս Գրիգոր Գուրզադյանի ինստիտուտ անվամբ: Ներկայիս տնօրեն Գագիկ Դոլիեւը աշխատանքից ազատել է «Գալակտիկա» ՓԲԸ-ի խորհրդի նախագահ Գ. Գուրզադյանին եւ տեղակալներին ու որոշել է ԳԱ ակադեմիայի Տիեզերական աստղագիտության ինստիտուտը փոխարինել խոզաբուծարանով: Տեղի բնակիչների ասելով, այժմ ինստիտուտի տարածք մուտք ունեն միայն երեք հոգի` Գագիկ Դոլիեւը, համայնքապետ Աշոտ Վարդանյանն ու համայնքապետարանի վարորդը, որոնք հետեւում են շինարարության ընթացքին:
Ս. Պ.