Արագածոտնի շրջանի Մուղնի գյուղի Մեսրոպ արք. Աշճյանի դպրոցի բակում նախօրեին տեղի ունեցավ հոգելույս Մեսրոպ արք. Աշճյանի արձանի բացումը, որը կատարեցին սրբազանի հարազատները` Հրայր եւ Լիզա Աշճյանները: Արձանի հեղինակն է Արա Շիրազը: Մինչ արձանի բացումը մատուցվեց սուրբ պատարագ եւ կատարվեց հոգեհանգստի արարողություն, որին ներկա էին Տաթեւ արք. Սարգսյանը եւ Արագածոտնի թեմի առաջնորդական տեղապահ Թորգոմ վարդապետը:
Արձանի բացման հանդիսությանը խոսք ասացին գրողների միության նախագահ Լեւոն Անանյանը, Մեսրոպ արք. Աշճյան դպրոցի տնօրեն Մուշեղ Գալստյանը, գիտությունների ակադեմիայի փոխնախագահ Վլադիմիր Բարխուդարյանը եւ այլ գիտնականներ ու մտավորականներ:
Գ. Գ.