1978 թվականից ի վեր աշխարհում անցկացվում են համաշխարհային բժշկական խաղեր սպորտային բոլոր մարզաձեւերով: Հայաստանն առաջին անգամ մասնակցության հրավեր է ստացել: Բժշկական աշխարհն այս տարի որոշել է մասնակցել շախմատային մրցումներին եւ Հայաստանի ներկայացուցիչ հաղթողին որոշելու համար շախմատի ֆեդերացիայի հետ Հայաստանում մրցաշար կազմակերպվեց: Մասնակցեցին մոտ 50 բժիշկներ, որոնցից հաղթեց ինֆեկցիոն հիվանդանոցի կլինիկական օրդինատոր Դմիտրի Հարությունյանը: Հենց նա էլ պիտի ներկայացներ Հայաստանը Իտալիայում կայանալիք շախմատային մրցաշարում: Սակայն ինչպես տեղեկացրեց Հայկական բժշկական ասոցիացիայի հասարակության հետ կապերի հանձնախմբի նախագահ Վաչե Տեր-Մինասյանը, 3 օր առաջ Հայաստանում Իտալիայի դեսպանատունը առանց որեւէ բացատրության մերժել է Դմիտրի Հարությունյանի Իտալիա մեկնելու վիզան:
Կ. Դ.