Երեկ ՌԴ Դաշնային խորհուրդը վաղաժամկետ դադարեցրել է Կալմիկիայի Հանրապետությունը ներկայացնող սենատոր Լեւոն Չախմախչյանի լիազորությունները: Կողմ քվեարկել է 136 ներկայացուցիչ, 1 դեմ, 4 ձեռնպահ: Միեւնույն ժամանակ մինչեւ հունիսի 30-ը հետաձգվել է գերագույն դատարանի կողմից ՌԴ գլխավոր դատախազության միջնորդության քննարկումըՙ կապված Չախմախչյանի գործողություններում հանցակազմի առկայության հետ:
Չախմախչյանը, որ նաեւ Ռուս-հայկական գործարար համագործակցության ասոցիացիայի նախագահն է, ձերբակալվել է դեռեւս հունիսի 2-ին Մոսկվայում, չի ներկայանում դատարանՙ առողջական խնդիրների հիմնավորմամբ:
Չախմախչյանը մեղադրվում է խոշոր չափի կաշառակերության մեջ: