Երեկ Ազգային ժողովի փոխնախագահ Վահան Հովհաննիսյանը ԱԺ-ի նիստերի դահլիճում հանդիպեց ՀՅԴ պատանեկան սկաուտական կազմակերպության 100 եւ ավելի պատանիների, որոնք երկշաբաթյա այցով ժամանել են Հայաստան մասնակցելու հերթական բանակումին: Վահան Հովհաննիսյանը նրանց ներկայացրեց ԱԺ-ի գործառույթները, աշխատանքի առանձնահատկությունները եւ քաղաքական իրավիճակը: Հայաստան-սփյուռք կապերի մասին խոսելով ԱԺ փոխնախագահը շեշտեց, որ սփյուռքն այսօր բնականորեն միասնական չէ, որովհետեւ նրանք տարբեր երկրներում են ապրում, հետեւաբար սփյուռքը միավորող միակ օղակը պետք է լինի Հայաստանը: Կարեւորելով դրսում հայ մնալու առաջնահերթ սկզբունքը նա նշեց. «Թույլ մի տվեք, որ Հայաստանն ու Արցախը ձեզ համար լինեն միայն զբոսաշրջության վայրեր», եւ հորդորեց տեր լինել իրենց հայրենիքին ու մասնակցել նրա զարգացմանը:
ՄԱՐԻԵՏԱ ՄԱԿԱՐՅԱՆ