Հայազգի երեք քաղաքացիական անձ երեկ տեղափոխվել են Կարմիր խաչի միջազգային կոմիտեի հովանավորությամբ: Գործողությունը տեղի է ունեցել ադրբեջանական Ղազախ եւ հայկական Իջեւան քաղաքների միջեւ անցնող ճանապարհին: Ինչպես տեղեկացնում է ԿԽՄԿ-ի մամլո հաղորդագրությունը, Կարմիր խաչը իր հանձնառության համաձայն, որպես չեզոք միջնորդ, Հայաստանի եւ Ադրբեջանի իշխանությունների առաջարկով, աջակցել է տեղափոխության կազմակերպմանը: Նախքան տեղափոխումն իրականացնելը, ԿԽՄԿ-ի պատվիրակները այցելել են ազատազրկված անձանց հավաստիանալու, որ վերջիններս հոժար կամքով են վերադառնում հայրենիք:
Ա. Հ.