Հայ օգնության ֆոնդի (ՀՕՖ) երիտասարդական խմբի կազմում այս ամառ Հայաստան այցելած Քեն Մարանյանի (Տեխասի նահանգ) նախաձեռնությամբ տեղի հայ համայնքում կազմակերպված հանգանակությունների շնորհիվ հնարավոր եղավ Գյումրիի մոտ գտնվող անտառակում կազմակերպել գյումրեցի 140 երեխաների հանգիստը: Վերականգնելով ճամբարային շարժումը` ՀՕՖ-ն արդեն մի քանի տարի կազմակերպում է ճամբարային հերթափոխներ տարբեր մարզերի եւ մանուկների համար:
Գյումրիի երեխաներին հաջորդել են Ավան համայնքի անապահով եւ ծնողազուրկ ընտանիքների 10 երեխաների հանգստի կազմակերպումը, որոնք այս օրերին իրենց ամառային հանգիստն են անցկացնում Հանքավանի «Լուսաբաց» ճամբարում: Մի քանի օր եւս, եւ նրանք լավագույն հուշերով կդիմավորեն ուսումնական նոր տարին: