ԵՐԵՎԱՆ, 4 ՍԵՊՏԵՄԲԵՐ, ԱՐՄԵՆՊՐԵՍ: Երեւանում սեպտեմբերի 3-ին անցկացված «Միսս Կովկաս-2006» ամենամյա գեղեցկության մրցույթ -փառատոնի հաղթող ճանաչվեց չեչենուհի Ֆաթիմա Խազուեւան: Ինչպես տեղեկացրեց «Միսս Կովկաս- 2006» գեղեցկության մրցույթի կազմկոմիտեի նախագահ Արման Անտոնյանը, «Խաղաղություն Կովկասում» կարգախոսով մրցույթի հաղթող Ֆաթիմա Խազուեւան արժանացավ «Միսս Կովկաս-2006» տիտղոսին, գլխավոր թագին, ինչպես նաեւ ուղեւորությունների դեպի Փարիզ, Միլան, Մոնակո:
Նշենք, որ մրցույթին մասնակցել են վերջերս Պյատիգորսկ քաղաքում տեղի ունեցած եւ արդյունքում կիսաեզրափակիչ փուլն անցած ինը գեղեցկուհիներ: Մրցույթին հրաժարվել էր մասնակցել Ադրբեջանը, ինչը պայմանավորված է մրցույթին ԼՂՀ ներկայացուցչուհու մասնակցությամբ: