Կառավարության տեղեկատվության եւ հասարակայնության հետ կապերի վարչության հաղորդագրությունից տեղեկացանք, որ կառավարությունը հանձնարարել է տրանսպորտի եւ կապի նախարարինՙ լուծել «Հայփոստ» ՓԲԸ-ի եւ «Կոնվերս ինվեստ» ընկերության կնքածՙ «Հայփոստը» հավատարմագրային կառավարման հանձնելու պայմանագիրը եւ այն հավատարմագրային կառավարման հանձնել «Հայփոստ թրաստ» ԲԲԸ-ին: Նույն որոշմամբ նաեւ հավանություն է տրվել Հայաստանի Հանրապետության (կառավարման հիմնադիր) եւ «Հայփոստ թրաստ» ԲԲԸ-ի (հավատարմագրային կառավարիչ) միջեւ կնքվող «Հայփոստ» ՓԲԸ-իՙ ՀՀ սեփականությունը հանդիսացող բաժնետոմսերով հավաստված իրավունքների հավատարմագրային կառավարման մասին պայմանագրի նախագծին:
Ա. Մ.